Сите знаат како се губат вишокот на килограми – треба да се јаде храна со помалку калории и треба повеќе физичка активност.
Но, овие информации сами по себе не им помагаат на оние кои сакаат да ослабнат. Зошто?
На патот кон нови навики стојат препреки кои се нарекуваат – стари навики. Е сега, како да се променат навиките?
Поголемиот дел од луѓето мора да се соочат со пораз затоа што сакаат да променат премногу за многу кратко време. Луѓето кои го применуваат пристапот „сé или ништо“ ќе ја отстранат целата нездрава храна од менито, ќе почнат напорно да вежбаат, па дури ќе се обидат да се ослободат и од останатите лоши навики, како недоволното спиење или пушењето.
По неколку недели, наглите промени ќе резултираат со враќање на старите навики и поради тоа и фрустрации, како и убедување дека никогаш нема да се ослободат од вишокот килограми.
Значи, менувањето на премногу работи за кратко време никогаш не успева. Наместо тоа новите навики треба да се усвојуваат постепено, една по една. Кога помалку или повеќе ќе прифатите една, дури тогаш се започнува со друга.
