Најубавата жена на светот ќе скокне во тавче со 10 години помладо момче – обожавателите разочарани што не нашла некој постар!
Познатата актерка Пријанка Чопра (36) наскоро ќе се мажи за 11 години помладиот пејач Ник Џонас и тоа само по неколку месеци врска.
Но многу нејзини обожаватели се разочарани од нивната врска особено затоа што дамата која пред 18 години беше Мис на светот сите ја замислуваа со некој посериозен и повозрасен човек, па нејзиниот избор навистина изненади многумина. Како и да е, на Ник и Пријанка им цутат рози и веќе наголемо течат подготовките за венчавката, а убавата Индијка неодамна го прослави и таканаречениот „bridal shower“ на кој е обичај најблиските пријатели да ја даруваат невестата.
Таа за оваа пригода носеше преубава бела тоалета зачинета со пердуви од брендот „Marchesa” која многумина ги потсети на венчаница, па според некои модни магазини Пријанка најверојатно решила да направи една мала проба.
Инаку, младиот пар има и прекар „НикЈанка“, а колку пејачот е вљубен во неа зборуваат и неговите изјави за жената на неговиот живот:
„Знам колку е важно да бидете поврзани со личноста со која ќе го поминете останатиот дел од животот – и секако, да и бидете максимално посветени. Ние тоа го пронајдовме еден во друг, и среќен сум и возбуден што наскоро ќе почнеме да го делиме заедничкиот живот“, изјави Џонас.
