Од концепт до прототип за 150 дена. Кога пред некои шест, седум месеци гуглавме за моделот p538, воопшто не ни помислувавме дека ќе пронајдеме податок – дека за помалку од 4 месеци, бебето на Bizzarini можело да порасне толку бргу. Ете, додека ние го пишуваме ова, во Италија веќе го склопуваат синот на овој модел.
Успешната соработка на тројца автомобилистички ентузијасти и генијалци, резултирала со прототип кој што секогаш се спрема за тестирање на најдолгата кружна стаза во светот – онаа во италијанскиот Nard. Тој 12 километарски долг овал, го угостил и Bizzarrini Barchetta, веднаш штом завршиле досадните работи околу финалното ускладување на менувачката кутија со 505 КС силниот V8 мотор. Alan Mertens, Giotto Bizzarini и Kevin Gallahan се надеваа дека во текот на 2009, првите примероци ќе ја здогледаат и светлоста на денот, а веќе при крајот на истата година, или почетокот на наредната, ќе почнат да се произведуваат и првите сериски примероци.
Кога ќе се земе во предвид дека концептуалниот модел предизвика големо внимание – пред сé, благодарение на легендарниот потпис на Bizzarrini на шасијата – иднината на овој автомобил изгледа/ше доста розева, посебно на домашниот италијански пазар, секогаш жеден за коли кои што со брзината се над сите други во светот. Како и да е, мубаетот во изминативе две години е дека се произведени и продадени само нешто повеќе од 15 модели и тоа сите на одбрана клиентела, која е во можност да издвои 200 000 евра без никаков проблем!
Закачете Like, споделете текст и освојте некоја од нашите вредни награди.
За повеќе информации разглeдајте го Shopping Magazine кој оди од сега и на Facebook!
Врати се на првата страна.