Во чест и слава на легендарната рели трка по ридови и долови Pikes Peak, ценетиот тјунер од Florida направи сериозна преработка на џипот на Mercedes, GLK!
Со таа цел GLK доживеа темелни преработки и тоа првенствено на шасијата и менувачот, со спецификација која овозможува регулирање на подвозјето, степенот на вртење и распределбата на вртежите на моторот во диференцијал во стварното време. Деловите на каросеријата се заменети со карбонски композити, а најголема преработка има сосема новиот мотор – хибриден погон на Renn Tech, кој што фирмата го развива веќе со години.
Имено, направена е комбинација на електричен мотор кој оди во паралела со бензинец од 3.5 литри, V6, при што на овој начин се доловува импресивниот обртен момент, кој што ги карактеризира електричните мотори, додавајќи дополнителни 54 Nm, со цел да се зголеми перформансот на автомобилот при брзото влегување во свијоците. Со користење на хибридната сила на движење при искачувањето на угорници, се додаде дополнителна енергија при возењето на поголеми височини, кога моторите со внатрешно согорување, кои зависат од воздухот на амбиентот – почнуваат тешко да ’дишат‘, односно брмчат.
Затоа уште при првото претставување на изложбата SEMA во Las Vegas, GLK ги освои сите симпатии, а самата фирма Renn Tech се здоби со можеби до сега најзначајното признание на еден од водечките иноватори во автомобилската индустрија.
Закачете Like, споделете текст и освојте некоја од нашите вредни награди.
За повеќе информации разглeдајте го Shopping Magazine кој оди од сега и на Facebook!
Врати се на првата страна.