Ви ја претставуваме новата Honda Civic Type – R

Годинешното издание на саемот за автомобили Женава 2014 ни понуди најразлични видови на коли за кои слободно може да се каже дека ќе ги задоволат вкусовите на сите вљубеници на машините на четири тркала.

Денес ќе ви овозможиме прв поглед во наредната легенда со префиксот Civic, на најпознатиот јапонски производител на автомобили, Хонда.

Иако се уште станува збор за концепт кој што ја носи ознаката “Type-R”, според сите најави од инженерите од Хонда, скоро целиот стил ќе остане исти и кога моделов ќе влезе во сериско производство, а кој на пазарот ќе биде лансиран наредната, 2015 година.

Според описот кој што ни го даваат одговорните во Хонда, стилот на новиот модел го претставува „натпреварувачкиот дух на Хонда од трките“, па така најголемиот дел од елементите од составот на колава служат за зголемување на перформансот на автомобилот.  

Во врска со моторот се уште не се дадени официјални податоци, но Хонда најавува 2 литарски турбо мотор кој ќе продуцира 280 КС, иако и можноста за модел со 300 КС е исто така реална опција која што може да се појави во салоните на Хонда на Макпетрол и овде кај наредната година.