Renault дозволи да бидат откриени некои детали, како од технички, така и од визуелен концепт! И она што го видовме не натера да помислиме дека кога сите коли би изгледале вака, би се вклучило копчето за аларм за способноста за репродуцирање на човечкиот вид!
Зошто? Па затоа што ќе видите на фотографиите подолу – ваква кола може да го натера секој маж да заборави на жените како ’најсладострасни предмети на желбите‘, што би рекол Louis Bunuel. А самото ’протекување‘ на фотки и инфо за овој концепт на францускиот произведувач најавува искачување на сериозен чекор нагоре во начинот и замислата за производство на едно модерно cuoupe. Првата официјална презентација ќе се случи на Grand Prix-то на Monaco!
Инаку примарната идеја за A110-50 е одбележувањето на 50 годишнината од легендарната Alpine Renault A110 Berlinetta. Ова глатко и мазно coupe го зема стилот, поточно инспирацијата за него од Renault Dezir концептот од 2010, кој беше презентиран на Парискиот саем. Под драматичниот костим, машината која што ја движи оваа убавица има потекло од the Renault Megane Trophy Racer, а тоа значи погон на задните тркала со цилиндрична шасија и V6 мотор од 3.5 литри, со силина на 400 коња, лоциран околу средишниот дел на автомобилот.
За повеќе детали и спецификации во моментов може само да шпекулираме, без некаква реална подлога, а уште помалку со јасна визија кога Alpine A110-50 би влегла во производство. Едно нешто е јасно, колава ќе изгледа екстра ипол, а на пазарот за coupe моделите би требало да ја ’шие‘ конкуренција од Jaguar F-Type, Alfa Romeo 4C и Honda NSX. Погледнете зошто го мислиме тоа:
Врати се на првата страна.