Александра Митковска е родена 1984 година во Скопје. Живее и работи на релација Скопје-Белград-Милано.
LABEL OVERVIEW
За кариерата на моден дизајнер се одлучила многу рано, со завршување на средно уметничко училиште, отсек за текстил и облека. Своето професионално усовршување го продолжува на факултетот за моден дизајн во Милано, „Fashion Institute Burgo“, а магистерски студии исто така завршува на миланскиот престижен факултет „Fashion Institute Marangoni“. Со свои мини колекции има учествувано на две групни ревии на „Модниот викенд“ во Милано. Нејзиното образование и пракса и овозможило да се сретне и работи со клучни луѓе во модната индустрија, и нејзините искуства и помагаат да го создаде својот сопствен моден бренд VIBRAZIONI во 2009 година. Таа смета дека преку нејзиниот моден дизајн може подобро да комуницира со светот бидејќи модата ја гледа како медиум преку кој може да ги изрази нејзините намери „да создава колекции кои се чисти и го будат духот и го раздвижуваат срцето“.
Нејзините колекции можат да се најдат на следните продажни места: „Vibrazioni by Aleksandra Mitkovska“ и „Ludus Concept Store“ во Скопје, „Designers House“ во Белград и „Tochka Open Space“ во Софија.
| Lookbook » |
