Мерцедес доминираше на пазарот на големите и ексклузивните салони во S класата со декади, но дали сега новата кола ќе остане повторно напред, пред такви противници како што се BMW 7 серија и Jaguar XJ?
Новиот Мерцедес S класа кој овие денови ќе се појави на пазарот очекувајте да биде ’позелен‘ и поефикасен од своите претходници, со дури три хибрид верзии. Сепак, за очекување е и понатаму да доминираат V6 ‘Bluetec’ дизел моделот, а за оние со нешто подлабок џеб се уште ќе ја има опцијата V8 бензинец, со дури 445 КС, за кој се планира да биде најмоќниот модел во S класата.
Техничките новини кај новата S класа се навистина многубројни и се сметаат за најголем адут на овој Мерцедес. Од компјутерска адаптација на моторот според потребите на возењето, до системи кои можат да го ’читаат‘ патот преку сензори во форма на перки кои се наоѓаат на долниот дел.
Забрзувањето зависи од модел до модел, од 4.2 секунди до 100-ка кај најмоќниот модел S 500, до некои 5.8 секунди кај хибридните модели.
Цената ќе му се движи од околу 60 000 евра за базичниот S350 Bluetec SE до над 90 000 за S500 AMG.
Од сево ова се наметнува прашањето дали новата S класа ќе може да се наметна на истиот пазар каде што најголема конкуренција се му BMW 7 серијата, Audi A8 и Jaguar XJ кои што се и нешто поевтини.
