Студиото Guingiaro го ’докачи‘ Mustang GT моделот и од класична американска спортска лимузина, направи европски мрачен предмет на желбите….
Во 2005, Fabrizio Giugiaro, стилскиот директор на Italdesign Giugiaro, отиде во Ford Motor Company да го дизајнира идниот концепт, инспириран од петата генерација Ford Mustang. И на одговорните луѓе во вториот најголем американски производител на автомобили не им требаше многу за да ја прифатат неговата идеја за европска интерпретација на најпознатата и најпосакуваната машина што има излезено од нивната фабрика. Едноставно, имаа доверба во наследникот на Giorgetto Giugiaro, кој своевремено беше главниот инструмент за дизајнирање на 1965 Bertone Mustang, како и Chevrolet Corvette Moray.
Она што следеше беше следното: стаклен кров, нова внатрешност, карбон, V8 мотор со 500 КС, два supercharger-и и механика од Ford GT. Ултраспортска ѕверка, на пола пат помеѓу Aston Martin DB9 и BMW М6, обоена во металик портокалова боја, само со енормната величина и препознатливата маска асоцира на славната американска марка. Никогаш не влезе во сериско производство, но за соодветна надокнада, од Guingiaro ќе ви сложат личен примерок. Затоа не треба да се зачудиме ако некој таков видиме низ Кумановско поле….
Закачете Like, споделете текст и освојте некоја од нашите вредни награди.
За повеќе информации разглeдајте го Shopping Magazine кој оди од сега и на Facebook!
Врати се на првата страна.