Војвотката од Кембриџ, и покрај тоа што веќе има три деца – принцот Џорџ, принцезата Шарлот и принцот Луис, се уште има голема желба за проширување на семејството. И тоа најверојатно ќе се случи следната година.
Според извор близок до кралското семејство Кејт сака да има уште едно бебе и тоа поради посебната врска што ја забележува помеѓу Џорџ и Шарлот. Изворот во интервју за „New Idea“ тврди дека војвотката од Кембриџ се надева дека ќе имаат уште една девојка која може да биде подеднакво поврзана со Луис, како што се поврзани и Џорџ и Шарлот.
„Кејт смета дека би било убаво ако Луис има сестра која е поблиску до неговата возраст, а и инаку Кејт ги прави работите на свој начин. Но, Вилијам секогаш ја поддржуваше и ќе направи сé што ја прави да биде среќна. Тоа е ветувањето што и го даде пред бракот, па сигурно ќе се согласи и на четврто дете, иако и сега се жалат на непреспиени ноќи”, тврди неименуваниот извор.
Тој меѓу другото додаде и дека Вилијам и Кејт отсекогаш сакале големо семејство, и, наводно, војвотката планира да забремени до крајот на оваа година.
