Уредничката на американското издание на модното списание Вог Ана Винтур одговараше на прашања од група млади луѓе кои се надеваат дека ќе успеат во модниот бизнис.
Резултатот беа совети за успешна кариера што може да се применат во која било професија, не само во светот на модата. Кои се тие? Продолжете да читате:
1. Прво учете од професионалците. Во ред е да работите хиерархиски под некого
„Единственото нешто што малку ме загрижува на патот од факултет кон отворање на свој бизнис е што малкумина успеваат“ – Ана Винтур
2. Мислете на вашите долгорочни цели
„Во денешниов свет возможно е да се стекне инстант слава, дали преку Инстаграм или некоја друга платформа, но сосема друга работа е да се биде успешен финансиски на долгорочен план“ – Ана Винтур.
3. Вашата личност и начинот на кој се претставувате значат многу
„Во денешнава средина мора да имате интеракција со светот. Не може да бидете некој што е многу тежок за соработка, срамежлив и да не можете да гледате некого в очи. Мора да знаете да се претставите. Мора да знаете како да зборувате за својата визија, работите на кои сте фокусирани и идеите во кои верувате. Ако не чувствувате страст кон она што сте и она што го работите, како може да очекувате другите (вашата публика) да го почувствува тоа?“ – Ана Винтур.
4. Работете, дури и ако тоа не е вашата работа од соништата
„Најдете работа. Без разлика дали ќе работите како дизајнер или во ресторан, а потоа ќе работите на вашата идеја во слободно време. Тоа е реалноста. На крај тоа искуство ќе ви помогне вам и на многу други“ – Ана Винтур.
5. Најдете си ментор
„Многу е важно да имате некој со кој ќе разговарате и ќе дискутирате за сè и со кој ќе разменувате идеи“ – Ана Винтур.
Извор: Who What Wear
