Новите брзи диети кои вклучуваат два дена строг пост, па максимално внесување од 500 до 600 калории останатите денови од неделата, стануваат се попопуларни.
Нутриционистите предупредуваат дека не смеете да започнувате ваков ригорозен план на исхрана без консултација со доктор кој ќе ви ги објасни можните ризици.
Новата диета која стана многу популарна во Велика Британија, наречена едноставно „брза диета“, воопшто не ги импресионираше нутриционистите. Тие предупредуваат дека постои реална опасност да се изгладнете и да го оставите организмот без виталните хранливи состојки.
Строгиот план на исхрана и слични диети на принципот 5 : 2 (два дена пост), го ограничуваат внесувањето на храна на 500 калории дневно за жени и 600 за мажи. Два дена неделно целосен пост, а другите денови јадете што саката, но бројот на калории е ограничен.
Меѓутоа експертите од Ирскиот институт за нутриционизам и диети (Irish Nutrition and Dietetic Institute – INDI) предупредуваат дека таквото одрекување може да доведе до недостаток на витамини и минерали. Посебно се загрозени оние кои веќе имаат недоволно калциум или железо, затоа што поради постот здравјето може додатно да им се влоши.
Луѓето не би смееле да започнуваат ваков ригорозен план на исхрана без претходна консултација со доктор, кој ќе им ги појасни можните ризици.
„Мој совет е да не започнувате со ваква диета ако сте бремени., дијабетичари или земате некои лекови. А доколку навистина планирате да започнете со ваква диета, секако морате да се консултирате со нутриционист, кој ќе ви појасни како да осигурате дека внесувате доволно витамини и минерали.“, вели Сара Кеог, портпарол на INDI.
Токму како и многу популарните диети – како што се Аткинсовата и Дукановата – брзата диета не е добро да се применува само затоа што е популарна. Имено, долгорочните истражувања покажуваат некои опасни последици по здравјето.
Креатор на „брзата диета“ е д-р Мајкл Мозли, кој заедно со Мими Спенсер, напиша книга за оваа диета која стана бестселер.
Освен што ветува брзо губење на килограмите, исто така се тврди и дека диетата го зајакнува здравјето затоа што го намалува холестеролот и крвниот притисок, како и дека го балансира нивото на инсулин, поради што потешко ќе дојде до развој на дијабетес.
Но, до здравствена корист може да дојде само ако во текот на петте дена во кои се јаде луѓето консумираат здрава храна повеќе од обично. Од друга страна, постои реална опасност дека после двата дена глад ќе дојде до прејадување!
