Децата на Новак и Јелена Ѓоковиќ не се крстени, неговата мајка Дијана ја откри причината и ја изненади јавноста!
Чекаат да пораснат за да го сватат чинот на крштевањето...
Новак Ѓоковиќ, светскиот број еден тенисер, никогаш не криел колку му значи верата и колку Бог му помага да го достигне врвот.
Со оглед на тоа колку е побожен, во јавноста се разви дискусија зошто неговите деца Стефан и Тара се уште не се крстени?
Мистеријата околу оваа ситуација ја разреши неговата мајка Дијана Ѓоковиќ, која за тоа проговори во емисијата „Додека ангелите спијат“.
Мајката на шампионот откри дека Новак и Јелена ваквата одлука ја донеле затоа што сакале децата уште малку да пораснат и да разберат што всушност значи овој чин.
Дијана воедно истакна дека е многу горда на Новак.
„Секој би го ставил успехот над духовниот мир. Кај Новак големата благодарност што ја има е силна. Тој е благодарен за се што постигнал, сè е божја моќ. Тој се држи до своите принципи и верувања, тоа го прави човек, тоа го прави него, “ изјави Дијана..
Таа нагласи дека Новак го носи осветениот крст што го добил на Хиландар, што му дава сила. Тој помина три дена на Света Гора и тоа е многу важно искуство за него.
„Тој е навистина духовно суштество, се крсти кога имаше пет години и сериозно го сфати тој чин“, истакна Дијана.
„Има нешто во себе. Постојано го прашувам кога ќе ги крсти своите деца, а тој ми вели „кога ќе можат да го разберат чинот на крштевањето“.
