Бритни во градот на светлината
Бритни Спирс во моментов е на европска турнеја која ја донесе до француската престолнина. Таа посетата на Париз ја искористи и за ручек во познатиот француски ресторан „La Society“ а дежурните папараци ги почести со издание кое потсетува на модните 90-ти. Имено, таа „фураше“ краток топ со широки ракави во розова нијанса – од познатиот шведски хај-стрит бренд „H&M“, во комбинација со фармерки со низок струк какви во последните неколку години навистина многу ретко можеме да видиме на нашите улици.
Целото издание го заокружи со гломазни чизми до колена во пастелна виолетова нијанса и чанта во боја на коњак, додека од сончевите зраци и од блескавите фотоапарати се криеше под еден пар класични рејбанки.
Па, што велите за ова издание на Бритни?
