Нема Македонец што не го пробал овој вкусен специјалитет
Тулумбите се вистинска ризница во нашата македонска кујна. Нема домаќинство во кое не знаат како се подготвуваат, впрочем како и во Турција, а највкусните што сме ги јаделе ги правеа нашите баби. Па, ако сакате да ги изненадите вашите дечиња, но и пријателите, еве еден добар рецепт со кој ќе направите овој сладок деликатес.
Потребни состојки за тестото:
-400 милилитри вода
-6 лажици масло
-250 грама брашно
– 5 јајца
Состојки за шербетот:
– 800 грама шеќер
– 400 милилитри вода
– 1 лимон исечен на парчиња
Најпрво во тенџере од средна големина загрејте вода. Кога водата ќе зоврие, полека додадете го брашното со постојано мешање, додека смесата не се згусне и започне да се одвојува од лонецот. Тргнете го садот од огин и оставете малку смесата да се олади на собна температура. Во изладената смеса додадете едно по едно јајце, а притоа мешајте со раце.
За подготовка на шербетот варете вода и шеќер на висока температура додека шеќерот не се растопи, а за крај додадете го лимонот и оставете шербетот да се олади на собна температура. Потоа загрејте масло на висока температура, а со помош на шприц за декорирање истискајте ја претходно подготвената смеса во вид на тулумба. Во топлото масло тулумбите сами ќе се завртат. Кога ќе добијат златно жолта боја извадете ги, а потоа ставете ги со ладниот шербет. Кога сите тулумби ќе бидат готови, полијте ги со остатокот од ладниот шербет и ставете ги во фрижидер за да се оладат пред послужување.
[Не заборавајте да го погледнете и видеото со оригиналниот турски рецепт за тулумби!]
