Иако понекогаш ви се чини дека вашите малечки не слушаат и дека се окупирани со своја работа, бидете сигурни дека по навршени четири години, со случајни слушања на вашиот разговор впиваат многу повеќе отколку што мислите.
Дали понекогаш ви се случило вашето малечко да ве издало во градинка или да ја прераскаше некоја незгодна ситуација за која не сте сакале да знае никој во вашата околина? Ако се’ уште не, тогаш најверојатно тоа ќе ви се случи барем еднаш.
Детската искреност и среќа навистина се непроценливи, но многу е важно на правилен начин да ги научите што треба да зборуваат, но и кому да, а кому не. Ако во почетокот го научите детето да не ги издава вашите тајни, со текот на времето ќе изгради свои подобри навики.
Затоа многу е важно вие, како родители, да научите што можете и кога можете да зборувате пред вашето дете. Тоа не значи дека треба да сокривате нешто од нив, туку на памет треба да имате кои информации смеат, а кои не смеат да ги примаат. Имајте на ум дека децата треба да знаат некои важни случувања во животот, како доаѓање на ново бебе, преселба, развод…
Колку и да ви е тешко, вие како родители мора да ги усогласите вашите правила кои ќе ги користите за детето. Инаку, обидот за создавање авторитет станува бесмислен. Па, ако важи правилото дека детето треба да отиде на спиење во 20 часот, тогаш тоа нека биде така и кога мама или тато ќе бидат сами дома. Непочитување на правилата важи само ако се согласат и двајцата родители.
