Ниту малку пудра не е дозволено: Еве зошто треба да ја отстраните шминката пред секој тренинг
На социјалните мрежи сигурно гледате како вашите пријатели, но и познатите личности, објавуваат совршени селфи фотографии од теретана, односно имаат шминка на лицето додека вежбаат. Јасно е дека некој сака да ги сокрие своите недостатоци, но пудрата на лицето додека вежбате никако не е добра идеја.
Докторите истакнуваат дека вежбањето предизвикува ширење на крвните садови, го зголемува протокот на крв во кожата и ги отвора порите. Потта и бактериите остануваат заробени под слоевите шминка и ја спречуваат кожата правилно да ја шири топлината, што може да дојде до затнување на порите. Шминката ги покрива потните жлезди, а заробувањето на бактерии и пот во порите може да предивика митесери, црвенило и нерамномерен тен, акни или иритации.
Иако целта е да вежбате без шминка, можеби понекогаш немате време или едноставно заборавите да ја отстраните пред вежбање. За вакви ситуации важно е да имате на ум дека не е секоја шминка иста. Ако немате избор и време за нејзино отстранување, тогаш користете шминка која не е базирана на масло.
