По овие фармерки полудеа и Македонките, а за некои се најгрдиот тренд што го виделе

Едни ги сакаат, други не можат да ги поднесат

Фармерките со непорабени ногавици или оние кои завршуваат со реси се популарни веќе неколку сезони, но оваа пролет се вистински хит и на нашите улици. Речиси во секој дел од градот можете да сретнете девојка која ги носи во своите пролетни комбинации, а дека навистина се популарни ќе забележите и од излозите на продавниците бидејќи едноставно не постои ниту еден популарен бутик во Скопје, а претпоставуваме и во останатите градови во Македонија, каде нема да го најдете овој модел.

Карактеристично за нив е што додека едни го обожаваат, а меѓу нив и девојките како Џиџи Хадид, Роузи Хантингтон-Вајтли и Емили Ратајковски, кои и го популаризираа овој тренд, останатите не само што се оградуваат од него, туку и сметаат дека овие модели можат да го расипат целиот впечаток и дека класичните фармерки се многу подобро решение.

Што мислите вие?