Во летните жешки денови најдобрата варијанта е воопшто да не се шминкате, но, во одредени прилики тоа едноставно е невозможно. Својата рутина во шминкањето мора да ја менувате и да ја прилагодите на временските услови, со цел да изгледате уредно и свежо. Погледнете ги овие супер совети кои ќе ви помогнат да ги избегнете непријатностите кога е во прашање летното шминкање.
Ако целиот ден треба да го поминете на сонце, шминкајте се на дневна светлина, никако во тоалет. На сонцето секоја грешка ќе ви излезе на виделина, затоа подобро е уште веднаш да го видите конечниот резултат.
Хидрирајте го лицето на вистинскиот начин. Избегнувајте препарати на база на масло а одлучете се за такви со заштитен фактор.
Во суштина, во лето би било добро да избегнувате нанесување на течна пудра. Но, ако сепак не можете без неа, одлучете се за некоја која не е на база на масло. Најдобра опција ви е ББ крем или пак да измешајте хидратантен крем за лице со пудра.
На усните ставете кармин, па потоа балсам за усни. Избегнувајте сјај доколку сте надвор на ветер. Сигурно не сакате да имате коса залепена на вашите усни!
