Вратата е еден од најважните делови во нашиот дом. Низ неа минуваме, влегуваме и излегуваме, примаме посетители и ги поздравуваме своите стари пријатели. Тоа е место за тага и радост, доаѓање и заминување… Па, токму ова е местото каде треба да ја прифатиме Божјата присутност, барајќи ја неговата заштита над нашиот дом. Во продолжение прочитајте ја оваа молитва.
Нека Божјиот мир биде во оваа куќа и во сите кои живеат во неа. Ти, Господе, кој си почеток и крај, алфа и омега, внимаваш на нас од раѓање до смрт, благослови ја оваа врата на нашиот дом и во својата добрина прати ни ангели од небото, за да не заштитат и да бидат со нас, да ни дадат утеха и храброст.
Додека поминуваме низ оваа врата, привлечи не’ покрај тебе и дозволи ни во овој дом да владее понизност, добрина, благослов и благодарност. О, Господе, Ти претставуваш врада која води кон вечниот живот. Затоа, благослови го влезот и излезот на овој дом.
Господе, Те молиме да го благословиш и да го просветлиш овој дом. Те молам внатре во овие ѕидови над нас секогаш да бдеат ангели и да не’ чуваат. Нека Твојот благослов владее во овој дом и во сите оние кои живеат сега и засекогаш во него.
Амин.
