Кој вели дека постојано треба да бидете среќни? Дозволете си емоциите да испливат на површина!
Многу луѓе се трудат постојано да бидат среќни пред другите, глумејќи и прикривајќи ги своите вистински емоции. Но, кој човек е секогаш среќен? Зошто среќата да се претвора во нешто вештачко? Зошто другите очекуваат ние секогаш да бидеме насмеани и учтиви?
Среќата лежи во ист кош со другите емоции. И таа е ограничена и не е ништо чудно ако понекогаш пуштиме солза пред другите или пак ако покажеме дека сме малку натажени. Сите луѓе во животот имаме подеми и падови. Некои од нив сме ги поминале лесно, за некои ни требало повеќе време, а со некои уште се бориме… Но, ако постојано ја лажираме среќата, нема да уживаме кога вистински ќе дојде.
Затоа, дозволете си емоциите да испливаат на површина. Сите емоции. Бесот, тагата, среќата… Минуваат деновите, месеците, годините… работите се менуваат, така се менувате и вие и вашето расположение. Така стануваме онакви какви што сме – уникатни. Престанете да се грижите за тоа секогаш да изгледате среќно пред другите, бидејќи тоа не е вашата реалност.
Најдобро е да се запрашате себеси: Дали сум добро? Дали добро го искористувам она што ми го нуди животот? Дали успевам да ги надминам проблемите? Дали го наоѓам својот пат во средина на оваа борба? Дали попатно учам од она што ми се случува? Некогаш среќата доаѓа почесто да ве посети, некогаш стои подалеку од вас. Но секогаш треба да имате на ум дека животот е тркало. Најважно е да му се заблагодарите на Бог за секој нов ден и да запаметите дека после секој дожд доаѓа сонце.
