Нејзиното тело исцрпено од короната НЕ можеше да издржи – ги роди БЛИЗНАЦИТЕ и имаше време да ги види само еднаш

И таткото е позитивен на корона вирусот исто така, но му дозволија да биде со децата

Лариса Бланко, младата Бразилка која ги роди близнаците Гилерме и Густав во саботата во приватната болница во Сао Паоло, го изгуби животот откако претрпе кpваpeње бидејќи нејзиното тело беше paзоpeно од Ковид-19

Нејзиниот сопруг Дијего Родригез со кого беше во брак 12 години за медиумите изјави дека покажувала симптоми налик на грипот неколку дена пред да биде откриено на 12 јуни дека е позитивна на корона вирусот.

Во болницата е примена на 26 јуни бидејќи состојбата и се влошила, а веќе следниот ден е префрлена во приватната болница во која ги роди близначињата.

„Бев во операционата сала кога се роди првото бебе. Лариса го виде тоа мало прекрасно лице и бев пресреќен бидејќи тоа беше нејзиниот сон“, изјави Дијего за медиумите.

Тој изјави дека второто дете се роди по мала компликација и дека се збогувал со сопругата мислејќи дека ќе биде во ред, но наскоро му кажале дека Лариса доживеала кpваreње и дека итно е потребна трансфузија.

„Ми кажаа дека почнала да крвapи и дека доживеала срцев удар“, изјави Дијего и додаде дека му се јавиле во шест часот утрото и му кажале дека неговата сопруга го изгубила животот.

„Докторот ми кажа дека заради короната нејзиното тело не можело да се избори“, изјави Дијего.

И тој исто така е позитивен на вирусот, но дозволено му е да биде со близнаците додека не ги отпуштат.

Инаку Бразил важи за една од земјите кои се најзагрозени од вирусот корона и ситуацијата од ден на ден е се’ подраматична.

„The Brazilian report“ наведува дека бројните студии на бразилските факултети, покрај фактот дека земјата би можела да стане светски епицентар на вирусот, предупредуваат и дека бројот на позитивните во земјата е многу поголем од 1.5 милиони колку што се дијагностицирани.

„The Lancet“ потсетува дека првиот случај во Бразил е забележан на 25 февруари, дека земјата има најголем број позитивни случаи и лица кои го изгубиле животот од оваа болест во цела Латинска Америка. На 4 мај тие имаа „само“ 105.222 заболени и 7288 жртви, а денес повеќе од половина милион активни случаи и преку 62.000 лица кои досега го изгубиле животот од оваа опасна болест.

Во весникот се наведува и дека овие цифри се потценети.

големите градови како што се Сао Паоло и Рио де Жанеиро сега се главни жаришта, но постои загриженост и знаци дека инфекцијата се шири брзо и во внатрешноста, во помалите градови со неадекватен број на респиратори и многу мал број на кревети за интензивна нега

Сепак, можеби најголема закана за бразилскиот одговор на Ковид-19 е неговиот претседател Жаир Болсонаро, наведуваат здравствените експерти и потсетуваат дека во екот на епидемијата, кога новинарите го прашале да го коментира драстичниот пораст на заболените, тој изјавил „Па што, што очекувате од мене да правам“.