Конечно се огласи и Македонецот што беше избркан од „Ѕвездите на Гранд – објави фотографија и видео, и повторно предизвика бура
Пејачот од Македонија, Адам Лабунски беше дисквалификуван од музичкиот натпревар „Ѕвездите на Гранд“ поради проблемите што ги имаше со својот татко, но и со еден од останатите натпреварувачи.
Но откако го објави разговорот што го имаше со еден од неговите ментори на социјалните мрежи и предизвика бура од реакции во медиумите, младиот пејач се повлече, а деновиве се јави со фотографија од теретана.
Тој ги покажа мускулите на својата рака додека дига тегови и се пофали дека резултатот го постигнал со вредна, редовна и напорна работа во теретана.
Инаку, само да потсетиме, младиот пејач од Македонија, по инцидентот во хотелот и одлуката за дисквалификација, ја објави приватните преписки што ги водеше со Марија Шерифовиќ со што само дотури масло на огнот. Откако ги објави преписките и предизвика бура од реакции, некое време се повлече, и тоа беше така се до овој момент.
Покрај овие фотографии Адам на профилот на Инстаграм објави и видео на кое ја пее македонската песна „Зајди зајди“, со неговиот неверојатен глас, а во еден од коментарите обожавател му порача.
„Браво, ќе успееш и без ‘Ѕвездите на Гранд’. Ти се неверојатен талент.“ пишува негов обожавател
