Конечно прва фотографија – еве како изгледаше Симона Поповска со трудничкиот стомак – во вакво издание не сме ја виделе
Убавата докторка и пејачка неодамна објави вест со која ги изненади сите.
Симона Поповска и нејзиниот сопруг Крис станаа родители, а веста дека е бремена ја држеше во тајност.
Сепак моментот кога се породи, таа на Инстаграм ја објави убавата вест а честитки стигаа од сите страни.
Симона веќе избра име за својот наследник, заедно со сопругот тие го одбраа името Никола.
Таа не сака многу да зборува за својата приватност и секогаш е резервирана во тој поглед.
Сепак сега по повод денот на мајките Симона направи исклучок па објави неколку фотографии од бременоста и покажа каква убава и згодна трудница била.
На објавените фотографии Симона позира покрај креветчето на Никола, а ја покажа и преубавата детска соба која ја подготвиле за него штом пристигне на овој свет.
Потоа таа позира седната на креветот, а со рацете го прегрнува трудничкото меше, а најслатката фотографија е онаа на која таа и сопругот се држат за рака држејќи мали обувки за наследникот.
„Никогаш не го разбирате животот сè додека тој не расте во вас“, напиша Симона покрај објавата.
Симона Поповска покрај успешната музичка кариера работи и како специјализантка на скопската клиника.
Таа редовно објавува фотографии на социјалните мрежи и изгледа неодоливо, но периодот како да паузираше па објавуваше само постари фотографии од настапи и музички ангажмани.
Симона и нејзиниот сопруг, Крис се венчаа во 2018 година, а веста дека е бремена не ја сподели со јавноста.
Тие една година претходно склучија граѓански брак, а на прославата што ја направија во ресторан убавата пејачка се појави во невестински фустан со потписот на младиот македонски дизајнер Златко Јовановски. Таа носеше дводелен модел со специјални материјали, украсен со природни бисери и рачно везени детали, со вел долг 3.50 метри.
При гостување во една емисија таа зборуваше дека уште од мала имала љубов кон уметноста, а нејзина втора љубов била медицината. Симона откри дека уживала да „ги лекува“ куклите, па се чини дека желбата и се исполнила.
