Пикот на Ковид 19 во светот допрва треба да дојде.
Според американските консултантски компании Бостон (БЦГ), карантинот ќе трае до средината на летото.
Истржувањето укажува дека карантините би можеле да останат на сила дури и во најразвиените земји на светот до последните недели од јули.
Ва анализата се велат дека врвот на бројот на новозаразени во САД ќе биде во првата недела од мај, додека врвот на раст во Велика Британија се очекува дури во третата недела од мај.Во тоа време, пикот на епидемијата ќе биде и во Бразил, која во моментов е една од ретките земји што не спроведоа целосни карантински мерки, но во некои области, има регулативи за ограничување на движењето и однесувањето.
Како што беше и претходно најавено, кинескиот град Вухан, во кој првично се појави новиот корона вирус, од денес прогласи прекин на карантинот, и укинувањето го прославија со „светлечко шоу“ за кое зборува целиот свет.
Вухан беше епицентарот на новиот корона вирусот кој потоа се прошири низ целиот свет. Речиси 1,5 милиони луѓе на планетата се заразени, а повеќе од 82.000 го изгубиле животот.
Но, од денес, во Вухан се укинати мерките со задолжителниот карантин како и сите останати ограничувања и животот полека почна да се нормализира. Тоа меѓу другото значи и дека сообраќајот работи и дека дозволуваат патувања и надвор од градот по цели два месеци поминати во карантин.
