Еве како делфините во Австралија им се заблагодаруваат на волонтерите – им носат подароци од морето!
На делфините во Австралија навистина им недостасуваат луѓето кои беа во карантин поради пандемијата од коронавирус, а сега им носат различни подароци од морето.
Делфините се познати по своите социјални и комуникациски вештини па се сметаат за втор најинтелегентен вид, веднаш по луѓето.
Јато делфини во Австралија покажа уште еднаш колку им се благодарни на волонтерите така што им носеа подароци на луѓето кои ги хранат и се грижат за нив. Делфините од морето носат подароци во вид на школки, корали, парчиња дрво, изгубени наочари, пишиња и слично.
Волентерката Лин МекПирсон тврди дека делфините со ваквото однесување покажуваат колку луѓето им недостасуваат.
Делфинот Мистик е најактивен па секој ден носи и по 10 подароци, а за возврат добива риба.
Мистик во заливот Тин Кан е од 1991 година, и единствен од седумте диви делфини кои се во програмата за хранење.
Дека на делфините навистина им недостасуваат луѓето покажаа и снимките од солунскиот залив каде во април се појавија делфини исто така.
Минувачите на солунското шеталиште беа изненадени од необичната глетка која јато делфини има ја приредија пред очи, недалеку од брегот. Тие зачудени од оваа атракција, ги извадиле мобилните телефони и ја снимаа нивната игра.
Многу ретко се случува делфините толку длабоко да навлезат во Солунскиот залив, но поради тоа што луѓето беа во карантин, а бродскиот сообраќај драстично намален и речиси запрен, овозможи делфините да се доближат поблизу до брегот.
