Пејачката Бритни Спирс (41) во текот на животот беше предмет на лупа и потсмев. Како тинејџерка, новинарите постојано ја испрашуваа за нејзините гради и сексуалниот живот. Кога пораснала, била под надзор на нејзиниот татко Џејми, кој и ги лишил некои од нејзините најосновни човекови права. Пејачката ги откри најстрашните детали од својот живот во мемоарите „Жената во мене“.

13 години не можела да ги види своите два сина без дозвола. Одземена и е возачката дозвола. Не можела да ги бира оброците и ѝ било забрането да пие чај или кафе.

Судските наредби што ги надгледуваше нејзиниот татко беа укинати пред две години, кога судијата одлучи дека Спирс повторно може да носи сопствена одлука, пренесува Би-Би-Си.

Пејачката отворено напиша дека нејзината животна приказна нема среќен крај.

 „Главоболките се само дел од физичката и емоционалната штета што ја имам сега по ослободувањето од згрижување. Мислам дека моето семејство не ја разбира вистинската штета што ми ја предизвикаа“, пишува таа.

Во еден од нај застрашувачките делови од книгата, Спирс се сеќава како нејзиниот татко и рекол дека ја презел правната контрола врз нејзините лични и професионални работи.

„Сега јас сум Бритни Спирс“, рекол таткото.

Во првиот дел од книгата таа истакнува колку луѓето ја потценувале на почетокот на нејзината музичка кариера. Спирс можеби не напишала сопствена музика, но кога ја добила песната „Baby One More Time“, останала будна цела ноќ за да се увери дека гласот и е „рапав“, додавајќи ја зрелоста на песната.

„Ако бев привлечна, не би можела да бидам талентирана“, пишува во книгата.

Многумина ја сметаа за нежна, чиста, уредна  и плашлива селска девојка, иако, како што вели, била редовен пушач од четиринаесетгодишна возраст и во исто време ја изгубила невиноста.

Во вториот дел таа зборува за тоа како доживеала спонтан абортус за време на врската со Џастин Тимберлејк.

Апчињата кои и биле препишани и предизвикувале болка, но парот се плашел да оди во болница од страв да не ја рашири веста. Спирс со часови била свиткана, плачела и врескала од болка на подот во бањата.

 „Но, тој не ме однесе во болница“, вели таа. „Наместо тоа, Тимберлејк мислеше дека музиката ќе помогне, па ја зеде гитарата и легна со мене, свирејќи ја“, тврди Спирс.

По нивното раскинување, таа беше критикувана во медиумите, а Тимберлејк силно сугерираше дека го изневерувала. Бритни тврди дека било обратно.

Голем пресврт на подобро дојде кога една љубезна медицинска сестра ги покажала своите видеа на обожаватели кои разговараат за движењето „Слободна Бритни“.

Потоа добила „ветер во грб“ и се пријавила како жртва на злоупотреба. Две години е на слобода.

Извор Курир.рс