Бурата „Кијара“ направи хаос во Европа – школите не работеа заради силните ОРКАНСКИ ветрови

Силните бури „Кијара“ и „Сабина“ што деновиве ги погодија Велика Британија и Германија, но и други европски држави и причинија голема штета.

Поради невремето во Велика Британија многу летови ба откажани, а дојде до прекин и каснење во железничкиот и поморскиот сообраќај. Повеќе од 20.000 домаќинства во Британија ја поминаа ноќта без струја, а во некои делови од земјата се очекува невреме и снег.

Силното зимско невреме е проследено со урагански ветрови и обилен дожд, а од Велика Британија и северна Европа се пресели на исток и направи вистински хаос во сообраќајот во Германија, а во некои делови од земјата власта беше приморана да ги затвори училиштата. На северот на Баварска во Германија комуналните претпријатија се обидуваат да ги поправат дефектите на електричната мрежа како околу 50.000 домови повторно би добиле струја.

Железничкиот сообраќај беше сериозно пореметен заради што многу вработени не беа во можност да дојдат на своите работни места. И авиокомпаниите откажаа стотици летови од германските аеродроми.

Бурата наречена „Сабина“ во Германија и „Кијара“ во Британија исто така ги примора властите да ги затворат училиштата во неколку градови, вклучувајќи ја и германската држава Северна Рајна-Вестфалија, каде неколку луѓе беа повредени од паднати гранки и срушени стебла. Во Британија беше издадено предупредување граѓаните да не излегуваат од домовите додека не заврши невремето.

Какво ќе биде времето кај нас, погледнете тука >>