Познатата Турчинка денес не сака да слушне за брак – актерката од „Езел“ нема среќа во љубовта!

42-годишната актерка Џансу Дере иако важи за една од најубавите девојки во Турција, сепак ја осети горчината на љубовта.

Таа несомнено беше најдобриот избор за улогата на Асја во серијата „Неверство“, улогата на измамена жена која е подготвена на се за да открие која е љубовницата на нејзиниот сопруг.

Најмногу била разочарана од врските кога во 2009 година требало да се омажи за турскиот комичар Џем Јилмаз, но тој се вљубил во нејзината најдобра пријателка Аху Јагта, со која Џансу учествувала на ревии на почетокот на нејзината кариера.

Приватниот живот на оваа убавица не може да се спореди ниту со една сапуница.

Џем Јилмаз се оженил со нејзината најдобра пријателка и добиле дете но среќата не траела ниту три години. По распадот на бракот Џем се обидел да се врати кај актерката но таа повеќе не ни размислувала за тоа.

– Поради тоа плачев со денови. Бев изневерена, повредена и ништо не можеше да ме расположи. Бев на дното. Моите пријатели работеа напорно околу мене, постојано ме изнесуваа надвор, се обидуваа да ме насмеат и расположат, но јас тонев се подлабоко во мојата депресија, изјави тогаш таа.

Но, зажал тоа не е единствениот љубовен крах што го доживеала. Откако се опорави од неверството и  повторно се заљуби, таа започна врска со нејзиниот менаџер Џем Ајдин, но за жал повторно беше изневерена.

– Ладна сум како мраз и таква ќе останам. Некои работи не ја засегаат јавноста затоа што се приватни, па се однесуваат само на мене. Не им се оправдувам на моите родители, ниту на другите. Лажењето е толку лоша особина што не сакам да имам лажго во мојот живот. Всушност, колку побрзо тој излезе од мојот живот, толку подобро, барем според мене, рече тогаш таа.

Џансу Дере се уште ја бара својата сродна душа, но поради се што и се случи во љубовта, денес тешко се впушта во сериозни врски.

Порано имала конзервативни ставови за бракот. Таа не ги поддржуваше разводите, ги сметаше за погубни, а пред брак не би се согласила да живее со маж под ист покрив.

– Бракот е свето нешто во Турција. Многу жени влегуваат во присилни бракови, но за среќа, тоа никогаш не се случи во моето семејство. Кога ги гледам моите родители, кои се заљубиле како тинејџери, сакам да ја доживеам истата страст, почит и пријателство. Тие се најголемиот пример во мојот живот и би сакала да бидам среќна како нив. За мене е важно мојот партнер да се сложува со нив, изјави таа во едно интервју.