Најверојатно сте пробале многу различни методи за да ја постигнете вашата идеална тежина, но исто така најверојатно не сте ги имале во предвид научните факти за слабеењето. Еве неколку:
Доколку вежбате во теретана или фитнес центар ќе забележите дека многу од луѓето што вежбаат таму имаат проблеми со тежината. Само мал број од нив сакаат да го развијат телото, да ги обликуваат мускулите, додека повеќето едноставно сакаат да ослабнат и тоа најчесто во многу конкретни делови од телото, како задникот, стомакот, колковите …За жал, целното слабеење не е реалистично. За да се постигне би требало некоја форма на генетски инженеринг или манипулација со хормоните.
Слабеењето е природен процес и телото ќе се ослободи од маснотиите со комбинација на зголемена потрошувачка на калории (вежбање) и помал внес на калории истомвремено. Крајниот резултат е слабеење на целото тело. Хемискиот состав на вашето тело ќе ја определи брзината со која ќе ги топите мастите. Генетски, телата на жените имаат поголема маса концентрирана во градите, колковите и задникот. Големата загуба на тежина ќе влијае на целото тело, а не само на овие области.
Изненадното или долготрајното слабеење има огромно влијание на производството на хормони што е поврзано со процентот на телесни маснотии. Анорексијата може всушност да предизвика прекин на циклусот кај жените (за жал многу балерини или атлетичарки, на пример, страдаат од аменореја или отсуство на месечни циклуси).
Стресот може да биде причина за добивање на тежина. Хормонот на стрес, кортизол, може да предизвика да сакаме повеќе храна и да не се чувствуваме сити по оброк. Во екстремни случаи на прекумерно лачење на кортизол, може да дојде до т.н.р. Кушингов синдром кој предизвикува дебелеење во горниот дел од телото (посебно лицето, вратот и рамениците). Недоволното спиење е исто така причина за дебелеење, без разлика дали е предизвикано од стрес или од други фактори.
Тироидната жлезда е виновна за добивање на тежина кога не излачува доволно хормони кои го регулираат метаболизамот. Меѓутоа, тироидната жлезда често се користи како оправдување за добивањето на тежина – повеќето луѓе имаат совршено нормална тироидна жлезда.
Во текот на менопаузата, жените можат да акумулираат повеќе маснотии околу половината отколку на колковите поради хормоналните промени, а и синдромот на полицистични јајници исто така може да предизвика дебелеење во половината.
Единствениот начин за одржување на нормална и здрава тежина е да се следи природниот ритам на телото. Сè што е принудно или вештачко (како работа во ноќна смена, мрсни оброци по излегување, прекувремена работа или прескокнување на оброци) може да предизвика задржување на телесните маснотии, дури иако вежбате во теретана и јадете здраво во текот на неделата.
Врати се на првата страна.
