Од модели кои ќе ги воодушеват класичарките па се до стилот на популарните римјанки – погледнете ги најубавите рамни сандали за пролет 2016.
Пролетта полека почна да се покажува во својот полн сјај, а со доаѓањето на топлите денови, и ние треба полека да почнеме да се прилагодуваме на новата сезона. Ова секако најмногу се однесува на облеката и сите оние кратки и слатки „парталчиња“ кои ги носиме во потоплиот период од годината, но и на веселите модни додатоци и пред се на рамните сандали без кои не можеме да преминеме во новата сезона. Па, бидејќи ги обожаваме и бидејќи без нив не можеме ни да ја замислиме летната сезона, одлучивме да ви ги покажеме најубавите модели на рамни сандали кои ги пронајдовме на полиците на најпопуларните хај-стрит брендови. Тие им се омилени на многу девојки пред се затоа што се удобни и што можете да ги носите во најразлични комбинации, а што се однесува до моделите (па и до цените), оваа сезона навистина ќе се изненадите од преголемиот избор. Сребрени, златни или во комбинација на повеќе бои, класични или во стилот на популарните римјанки – изборот е навистина голем, и фасцинантен, а што се однесува до цените, погледнете ги во галерија што следува.
| види повеќе » |
