Според модната библија Вог опуштените фармерки со полна должина на ногавиците, со рамен или нешто поширок крој, какви во 70-тите носеше актерката Џејн Биркин и во 90-тите Кејт Мос се враќаат на голема врата.
Ова тврдење популарниот американски Вог го поткрепува со актуелната понуда на фармерките со дизајнерски потпис каде токму ваквиот модел е еден од најпопуларните, а модната библија тоа им го припишува поради нивната удобност, тоа што ги покриваат зглобовите, можат да се носат со сандали и изгледаат многу поелегантно од моделите кои се со непорабени ногавици.
Свесни за популарноста на таканаречените „фармерки за мајки“ кои веќе неколку сезони се меѓу најбараните модели, а се карактеризираат со висок струк и најчесто се изработени од покрут материјал, според уредничките на највлијателниот моден магазин во следните неколку месеци на пиедесталот ќе дојдат моделите со поопуштен крој меѓу кои предност ќе имаат оние кои се направени од растегливи материјали, со стандардна висина во пределот на струкот.
Покрај моделите со дизајнерски потпис, ваквите фармерки со ретро дух веќе можат да се забележат и на полиците на познатите „хај-стрит“ брендови како што се британскиот Топшоп или шпанските Манго, Бершка и Зара.
Topshop
3X1 N.Y.C.
Zara
Повеќе модели од овие тренди фармерки погледнете во галеријата на почетокот од текстот >>
