Не препуштајте им се на стравовите и навиките кои честопати делуваат против вас. Ослободете се од стегите во секојдневието и погледнете на животот од еден друг агол.
Не затворајте им ги упорно вратите на шансите кои се пред вас, само затоа што се плашите од неизвесноста. Живејте во сегашноста, бидете присутни во сегашниот момент, зашто само така ќе успеете да сфатите што е она што ве мотивира.
Не чекајте животот да ви го донесе она што го сакате. Тоа можеби ќе дојде во погрешен момент или пак ќе дојде во поинаква форма. Осмелете се и тргнете по својот пат. Борете се и така послатко ќе уживате во плодовите кои ќе ги собирате.
Секој почеток е тежок и секако ќе се сретнете со нешто непознато. Но, со текот на времето, колку подолго чекорите, толку повеќе ќе исчезне тежината. Бидете спремни да учите од се’. Секојдневно животот не’ учи нови лекции, па така еден ден ќе успеете да станете учители.
Не дозволувајте си да бидете пасивни актери во драмата наречена живот!
