Основната карактеристика на жената Риба е нејзината чувствителност и емпатија.
Основната карактеристика на жената Риба е нејзината чувствителност и емпатија. Тие се многу интуитивни, знаат да читаат помеѓу редови, а и лесно ги протолкуваат гестовите на луѓето. Многу лесно на прв поглед ќе забележат дали сте позитивни или негативни, тажни или расположени. Рибите честопати се мистериозни, склони кон духовност и се големи сонувачи кои живеат со главата во облаци. Имено, може да се каже дека не мислат со главата, туку со срцето, па имаат некои свои идеалистички визии кон светот. Рибите живеат во два одвоени света, во реален и духовен.
Можеби нивната главна негативна особина е тоа што тежнеат кон фантазирање. Честопати нереалноста ги одведува на погрешен пат и тие не се во состојба да ги согледаат работите од вистинска перспектива. Затоа, добро е покрај себе секогаш да имаат некој кој ќе внимава на нив, кој ќе ги води и кој одвреме-навреме ќе ги спушти на земја.
Жената родена во овој знак е многу романтична и сака да фантазира. Се труди да го задоволи својот партнер и од нив можете да очекувате вистинско уживање во сексот, а и да бидете наградени со еротска масажа. Ако сакате да ги фасцинирате – нивните ерогени зони се стапалата. Па, почнете од таму! Жената Риба сака прво да оствари емотивна врска, а потоа физичка. Има ситуации кога веднаш се решава на секс, со намера да го забрза зближувањето со партнерот. Тоа се оние ситуации кога вистински почнува да се заљубува…
