Новогодишниот серијал го заокружуваме со талентираната, несекојдневна винтиџ принцеза Лумтурије Камили попозната како Лумија Камилија која секогаш изненадува со необичните и крајно фасцинантни преработки на цинтиџ облека.
Лумтурије:
Кога се доближуваат новогодишните празници често пати се поставува прашањето што сакаат жените да облечат и секако секоја сака да изгледа посебно и свечено. И јас бев во дилема каков ќе биде мојот изглед оваа ноќ. По неколку обиди да си купан нешто, решив сама да го создадам мојот изглед, онака како што сакам јас.
Гламурозна, игрива, блескава беа зборовите што ми се вртеа во глава кога мислев на Нова година. Така почнав да работам, собрав некои материјали и го сошив фустанот.
Јас секогаш моите креации ги правам по некоја замисла и во овој фустан гледам една пеперутка и го нареков Glitterfly dress. Фустанот се состои од три бои: црна, розова и златна.
Ќе го комбинирам со еден винтиџ појас во златна боја и црни високи потпетици. Јас ваќа ја решив мојата дилема што ќе носам за Нова година.
Ми останува вечер да го облечам фустанот и да блескам :)
