Ценете го моментот кој го поминувате со вашите сакани, тој момент НИКОГАШ повеќе нема да се повтори
Секој момент е единствен, секоја секунда е уникатна и никогаш повеќе не се повторува.
Ценете го моментот кој го поминувате со вашите сакани. Намалете ги нервозите, забелешките, негативностите и озборувањата. Исполнете ја секоја секунда со љубов, почит, разбирање и кажете си колку си значете. Направете добро дело за оние кои ви значат. Оттргнете ја лутината и заборавете на оние кои ве повредиле, зашто така само ќе се полните со омраза.
Отворете ја својата душа за позитивната енергија. Вдишете длабоко и не настојувајте по секоја цена да стигнете на врвот, зашто уживањето не е слатко ако сте сами. Колку и да сте „повисоко“, осаменоста боли.
Зграпчете го секој миг и претворете го во единствен спомен. Прегрнете ги вашите најмили, кажете им колку ги сакате, покажете им дека тие ве прават среќни и дека во нив ја гледате смислата на животот. Не ограничувајте си ја својата љубов, мислејќи за утрешниот ден. Денес и овој миг никогаш повторно нема да дојдат.
Еден ден ќе застанете на прозорецот од својата куќа и ќе ги погледнете случајните минувачи. Ќе се сетите на вашата младост и на вашите соништа. Но тогаш нема да жалите за нештата кои сте ги направиле, туку за оние кои сте ги пропуштиле, затоа што сте биле зафатени со нешто што кога ќе остарите нема да има никаква вредност.
Најголемата вредност во животот се саканите. Се’ друго избледнува и исчезнува со текот на времето. Но трагите кои ги остава љубовта траат вечно!
