Стилот на ова шестгодишно девојче го обожаваат најпознатите модни инсајдери (фото)

Коко има 125 илјади фанови на Инстаграм

Кога Вог прв пат пишуваше за Коко Пинк Принцес, ИТ девојчето од Јапонија, нејзиниот профил на Инстаграм имаше само 12 000 фанови. „Шестгодишно девојче кое се облекува подобро од повеќето возрасни“ гласеше тогашниот наслов на познатата модна Библија кој малата Коко ја турна на самиот врв меѓу сериозните (возрасни) модни инфлуенсерки. Од тогаш до денес Кого „заработи“ преку 100.000 следбеници. На овој начин девојчето од Токио стана влијателна Инстаграм личност чиј стил го следат сериозни модни инсајдери, а од нејзините фотографии можеме да заклучиме дека во плакарите има повеќе дизајнерски парчиња отколку што можеме да најдеме во првите редови на сите наши досегашни модни недели. Малата Коко едноставно има стил за извоз, а и неверојатен талент за позирање. Нејзините родители во Токио ја водат популарната винтиџ продавница Funktique, па веруваме дека во нејзиниот стил и помага нејзината мајка Мисато но тоа на крајот на краиштата не е ни важно, бидејќи девојчето е нетипично симпатично и неодоливо во естетиката која потсетува на познатиот бренд Vetements.