Само затоа што сте се заљубиле во некој, тоа не значи дека таа личност ќе биде добар партнер за вас и тоа на долги патеки.
Љубовта е емоционален процес, сложувањето е логичен процес
И самите знаете дека можете да се заљубите во личности кои не се добри за вас, кои не ве почитуваат и со кои не делите исти животни амбиции.
Кога сте во потрага по партнер, не само што треба да го користите срцето, туку и умот. Секако дека ви требаат луѓе поради кои ќе имате пеперутки во стомак. Но, исто така е потребно да ги процените нивните вредности, како се однесуваат кон другите, а како со себе, нивните амбиции и општите погледи на животот. Затоа што ако се заљубите во некој кој не ви е компатибилен, нема баш најубаво да си поминете.
Љубовта не ги решава проблемите во врската
Марк Мансон пишува дека тој и неговата девојка лудо се сакале. Но, живееле во различни градови, а нивните семејства не се сакале. И често се карале. Но, после караниците брзо се смирувале. Нивната љубов правела да се чувствуваат како да ги надминуваат сите проблеми, но на реално ниво, апсолутно ништо не се променило.Ниту еден проблем не се решил. Двајцата си тежеле еден на друг. Целата ситуација станувала се потешка, а сепак издржале три години. Врската завршила со лошо раскинување и голема лекција: „Иако љубовта може да направи да се чувствувате подобро кога ќе дојдат проблемите во врската, тоа нема да реши ниту еден проблем.“
Не вреди секогаш да се жртвувате за љубовта
Еден од показателите дека сакате некого е тоа што не мислите само на себе и своите потреби, туку се грижите и на вашите партнери да им биде добро. Но, прашањето кое не се поставува толку често е: Кога љубовта вреди за да се жртвуваме за неа?
На жена која е родена во овој хороскопски знак ниту еден маж не може да и одолее >>
Во врските е сосема нормално за двете страни понекогаш да се „жртвуваат“, односно да направат отстапка или компромис, да ги жртвуваат своите желби, потреби и време за другата страна. Тоа е нормално и здраво и во голем дел е заслужно за траење на среќната врска.
