Анастасија ја доживеа судбината на мајка си: Пејачката скршена од болка зборуваше за загубата на бебето

Вчера Немања Гудељ ја објави тажната вест дека тој и Анастасија Ражнатовиќ го изгубиле бебето кое го очекуваа во септември, а пејачката веднаш се повлече од социјалните мрежи.

Цеца Ражнатовиќ не се огласи за ненадејниот прекин на бременоста на нејзината ќерка, но пред само неколку месеци откри дека пред повеќе од 27 години имала спонтан аборт.ус.

Иако сè уште не се познати проблемите со кои се соочила Анастасија, нејзината мајка во емисијата „Цеца Шоу“ раскажа што и се случило кога забременила за прв пат.

Цеца имала спонтан абортус месец и половина пред да се омажи и решиле да не ја одложуваат венчавката која била закажана за 19 февруари 1995 година.

– Бебето го изгубив во третиот месец од бременоста. Јас и Жељко чекавме бебе пред да се венчаме. Свадбата ја закажавме во февруари, а пред тоа бев бремена. Во меѓувреме, за жал, го изгубив моето бебе – изјавила Ражнатовиќ во својата исповед, а потоа објаснила дека отишла на вештачко оплодување.

-Се договоривме да не го поместуваме датумот на венчавката, па кажавме „да“ кога и планиравме, на 19 февруари 1995 година – нагласи тогаш Цеца, зборувајќи за првпат на оваа тема.

За разлика од Анастасија и Немања кои со јавноста ја споделија веста за немилиот настан, Аркан не сакаше никому да каже за тоа, па наводно му се доверил само на еден човек – кумот Борислав Пелевиќ.

Брачната двојка подоцна доби две деца – Вељко и Анастасија.

– Јас и Жељко сакавме уште деца, но не можев да забременам. Затоа отидов во болницата „Народни фронт“ на ин витро. Покојниот сопруг ме поддржуваше и учествуваше со мене во целата програма, иако беше очигледно дека нема проблем, бидејќи веќе имаше седум деца – откри Ражнатовиќ по речиси три децении.

Да потсетиме, Гудељ доцна синоќа на 29 мај се огласи на Инстаграм пишувајќи дека имаат лоши вести.

– Со вас споделивме добра вест и бевте со нас со сето срце, честитки и пораки. Благодарам за тоа. За жал, сега имаме лоши вести, но знаеме дека ќе ја имаме вашата поддршка и разбирање дека не сакаме да зборуваме за тоа. На наша голема тага, Анастасија и јас го загубивме нашето бебе. Ова е болен момент за нас, но нашата љубов ќе го надмине и ова, напиша Гудељ.