Работа во странство: Можеби добра за финансии, но лоша за живот
За жал, се’ повеќе млади одлучуваат да заминат на работа во странство. Другите земји нудат добри можности за работа, меѓутоа, многумина од иселениците тврдат дека странците во тие земји не се чувствуваат добро.
Високи кирии, недостаток за место и игра во двор, зголемени животни трошоци. Тоа се маките кои ги мачат работниците. Иселениците отворено признаваат дека тешко е да се спријателат со тамошното население. Всушност, за да се тргне по овој пат, човек мора да биде најпрво ментално подготвен за да ги издржи почетните потешкотии. Речиси секогаш се појавува носталгија, нови работни дисциплини, нов менталитет, нова средина…
Жално е што се чека дури летото за средби со семејството. Многумина признаваат дека во странска земја многу пати дошле и до работ на сиромаштијата. Неразбрани муабети, лутање по непознати градови. Некои карактери едноставно многу тешко го поднесуваат ова, па се враќаат во родните краишта. Понекогаш финансиите не се доволен мотиватор. Некои успеваат да ги преминат тешките моменти и години и се навикнуваат, но дупката во срцето стои секогаш.
Ако сакате да добиете повеќе, треба да платите висока цена, цена која значи многу вредности во животот. Убавите и неубавите моменти во вашето семејство ќе минуваат без ваше присуство. Најдобрите години минуваат, со надеж за подобра иднина, со надеж за посветло утре.
