Шок изјава на Доналд Трамп: „Ќе биде добрo ако бројот на починатите го задржиме под 100.000“

Од луѓето се бара ако можат да работат од дома и да избегнуваат ресторани, барови и патувања, но и шопинг кој не е од витално значење.

Американскиот претседател Доналд Трамп одлучи да ја прошири препораката за социјално дистанцирање низ целата земја на 30 дена, односно до крајот на април. Toj оваа мерка ја донесе откако експертите предупредуваа на опасност од ширење на корона вирусот и дека врвот на дневната бројка на смртни случаи може да биде достигнат за две недели.

Милиони Американци ќе бидат заразени со коронавирус и би можеле да умрат помеѓу 100.000 и 200.000 луѓе во Соединетите држави, изјави порано Ентони Фаучи, водечки епидемиолог во САД, а на вчерашната конференција Трамп изјави дека доколку бројот на загинати би бил помалку од 100.000, тоа би значело дека „направиле добра работа“.

Трамп, кој планираше да ги намали препораките барем во оние делови од земјата кои се помалку погодени од пандемијата, реши да ги продолжи мерките, а со тоа премолчено призна дека беше премногу оптимист.

Овие препораки важат и за Велигден, кој во Америка се слави на 12 април, до кога Трамп се надева дека земјата и нејзината економија повторно ќе продолжат со полна сила.

Многу држави и локални власти воспоставија строги контроли врз движењата и собирите на граѓаните. Препораките на сојузно ниво се однесуваат за собирање на поголеми групи, а на постарите лица или на оние со постоечки здравствени проблеми им се советува да останат дома.

Од луѓето е побарано да работат од дома и да избегнуваат ресторани, барови, патувања и шопинг.

Donald Trump extends U.S. social distancing guidelines to April 30 to slow down #coronavirus.

Details: https://t.co/pSdLiONSqP pic.twitter.com/rAUbJFpICR

— Complex (@Complex) March 30, 2020

Во САД досега се потврдени повеќе од 137.000 случаи на вирусна корона, а повеќе од 2.400 починале.

Нови заразени полицајци во Македонија

Двајца полицајци од станицата Петровец заразени со корона вирусот, 14 нивни колеги во изолација

Двајца полицајци од сообраќајната полиција се заразени од корона вирусот, од станицата во Петровец, дознава неофицијално “Фокус” од доброупатени извори.

Покрај двајцата заболени, кои се ставени во изолација, уште 14 нивни колеги се во изолација, бидејќи имале контакт со заболените. Тие допрва ќе бидат тестирани.

Нови места за тестирање

Од денеска Поликлиниката Чаир, а до крајот на неделава и „Млин Балкан“ ќе врши тестирања за Ковид 19

Тестирање за коронавирусот од денеска во Скопје ќе се врши во Поликлиника Чаир, а до крајот на неделава и во Поликлиниката „Млин Балкан“. Уште два пункта ќе се отворат во другите градови во државата.

Системот на закажување во новите пунктови, кои се надополнување на сегашните 14, ќе остане по принципот на пријавување преку матичните лекари.

Министерот за здравство Ванко Филипче вчера на прес-конференција соопшти дека Комисијата од Министерството, го завршила увидот во сите, освен една приватна институција, односно, во двете приватни болници „Жан Митрев“ и „Систина“, во лабораторијата „Авицена“, а во текот на утрешниот ден и во лабораторијата „Биотек“.

Според него, за искористување и на тие капацитети, во Фондот веќе работат на пронаоѓање модел на соработка.

Согласно мислењата на епидемиолозите, појасни министерот, ќе се зголеми бројот на потребните тестирања. „Системот за мобилни тестирања е подготвен и тој ќе почне да се применува следните денови со Скопје“, нагласи Филипче.