Еден пар од Тексас има двојна причина за славење откако им се родија близначиња кои на свет дојдоа во различини денови и во различна година.
37-годишната Кали Џо Скот од Дентон ја родила својата прва ќерка Ени Џо во 23:55 часот. на 31 декември. Тоа било последното бебе во Тексас што се родило на новогодишната ноќ во здравствената презвитеријанска болница Дентон во 2022 година.
Само шест минути подоцна, сестрата на Ени Џо, Ефи Роуз, се родила во 12:01 часот на 1 јануари, со што стана првото новороденче во болницата во 2023 година.
„Го обожавам ова. Сметам дека е пресмешно и супер забавно“ – изјави мајката.
Кали и нејзиниот сопруг, Клиф Скот, првично мислеа дека и двете ќерки ќе се родат во новата година поради терминот за породување.
Таа требала да направи царски рез на 11 јануари, но била хоспитализирана поради крвниот притисок по прегледот на 29 декември.
Тогаш за првпат им паднало на памет дека нивните близнаци можеби ќе бидат новогодишни бебиња.
Доцна вечерта на новогодишната ноќ нејзините лекари донеле одлука да и го направат царскиот рез две недели порано, што довело до различни родендени на близначките.
Ени и Ефи се родија здрави и живи и секоја одделно тежеше по 2 ипол килограми.
Родителите биле возбудени што нивните ќерки ќе имаат различни родендени, бидејќи ретки се близнаците кои ја имаат таа можност.
„Секогаш сакате да се потрудите тие да имаат свој индивидуален карактер и да направите да знаат дека се посебни и уникатни. Така, ова се додава како плус на таа посебност и уникатност што некои близнаци можеби не ја добиваат“ – велат среќните родители.
ФОТО: Принтскрин
ФОТО: Принтскрин
ФОТО: Принтскрин
