Ново чудо во Турција – жена (74) спасена од под рушевините 227 часови по земјотресот! Спасувачите неуморни, се борат за сечиј живот
Како што јавуваат турските медиуми, спасувачките екипи успеале да извлечат две жени кои поминале под рушевините повеќе од цела недела.
Едната жена поминала 222 часови под рушевините, додека другата била пронајдена неколку часови подоцна.
Првата жена е пронајдена во рушевините на една зграда во Кахраманмарас, место кое речиси целосно беше разорено од силниот земјотрес.
Разорниот земјотрес во Турција и Сирија предизвика голем број жртви, но остави и голем број преживеани под рушевините.
Спасувачките екипи макотрпно се обидуваат да дојдат до преживеаните кои се заглавени во рушевините и не губат надеж иако времето не е на нивна страна. Имено, колку времето поминува, толку помали се шансите спасувачките тимови да пронајдат некој жив под рушевините.
Но чуда се случуваат се уште на местата кои беа погодени од земјотресот, па така како што јавуваат турските медиуми, спасувачки тим успеал да извлече жена од под рушевините на една зграда и тоа 222 часови по земјотресот.
„Слушнавме ‘помош’ под рушевините. Нозете ни се пресекоа, не преплива радост! Успеавме да стапиме во контакт“, раскажуваат спасителите што ја извлекле жената за турскиот портал „Hurriyet.“
Станува збор за Мелике Имамоглу (42) која била свесна и успеаја да ја извлечат од под рушевините во Кахраманмарас.
Брзата помош веднаш ја однесе во болница каде и беше пружена сета помош што и беше потребна.
Само неколку часа подоцна, турските медиуми јавуваат дека од под рушевините е извлечена и 74-годишната Џемиле.
Амбулантниот тим вендаш и пружил прва помош, а потоа и таа беше однесена во болницата.
Како што јавува Анадолија, 74-годишната жена била извлечена од под рушевините 227 часови по разорниот земјотрес.
Спасувачката екипа што ја спаси Џемиле Кекец е од Кастамонуа и Сакарија. Тие најпрво ја лоцирале жената, а потоа и успеале да ја извлечат под рушевините од срушената зграда.
