Раковите навидум изгелдаат крути, дрски и пасивни, но длабоко во себе тие кријат сложена емотивна структура и работите ги доживуваат многу лично.
Тие се луѓе создадени од силни чувства, таинствени се и многу внимателни. Повеќето не се грижат толку за себе, колку за нивното семејство, особено за децата. Имаат посебно чувство за згрижување на нивните најмили, а исто и за сочувување на традицијата. Не важат за агресивни личности, но кога се во прашање оние што ги сакат, како и нивниот дом, тие се навистина застрашувачки.
Раковите се религиозни, духовните вредности ги ценат повеќе од материјалните, љубовта им е најважна! Но, истовремено може да вложат многу и на професионален план. Кога имаат јасна цел, тие се одлучни и упорни, не трошат време за излегување, дружби и забави, туку повеќе се насочени кон работата и семејството. Имаат доста познаници, а малку пријатели. Кога се во некое поголемо друштво, тие се чувствуваат незгодно и се држат на страна.
За секој вистински Рак животот без љубов, па дури и ако не е возвратена, е вегетирање. Тие се многу чувствителни, а кога се заљубени – уште повеќе. Раковите можат многу да пружат во една љубовна врска. Знаат што им треба на нивните партнери за да ги задоволат, зашто имаат голема интуиција.
