Од утре па до крајот на неделата се очекуваат врнежи на снег и голомразица.
фото илустрација
Се советува посебна внимателност при возење поради снег на одредени патни правци, особено во ридско-планинските предели, имајќи предвид дека заедно во некои делови од Македонија ќе има голомразица.
фото илустрација
Ухмр за утре, најави облачно време, на планините и на некои повисоки места со врнежи од снег каде ќе се формира нова снежна покривка, особено во западните делови.
Во некои од пониските места најпрвин врнежите ќе бидат од снег, а во текот на денот ќе преминуваат во дожд. Локално претпладне ќе има и услови за замрзнат дожд. Во западните делови ќе наврнат над 25 л/м2 воден талог. Ќе дува умерен до засилен ветер од јужен правец, најизразен вдолж Повардарието.
фото илустрација
Во Скопје облачно, во утринските часови со услови за слаб снег, а во текот на денот со врнежи од дожд. Ќе дува умерен ветер од јужен правец, соопштуваат од УХМР.
А кога замрзнат дожд го покрива патот и создава мраз, како што објаснуваат сообраќајните експерти, се појавуваат услови кога зимските гуми не помагаат многу.
фото илустрација
– Првиот и основен совет кога има мраз на патот е едноставно да не возите. Доколку веќе сте на пат, основниот совет е да возите полека и да внимавате, почитувајќи ги сите знаци и држејќи голема оддалеченост од возилото пред вас – велат сообраќајните експерти.
фото илустрација
– За да спречите лизгање, треба да започнете полека и постепено да забрзувате. Ако тркалата се лизнат или автомобилот се заглави во снегот, треба да тргнете од втората брзина бидејќи тоа ја намалува силата што делува на тркалата и ја зголемува возната моќ. Ако автомобилот има автоматски менувач, треба да го вклучите зимскиот режим – советуваат сообраќајните експерти.
фото илустрација
Значи, што е потребно да направите пред да тргнете на дестинација каде што е многу сигурно дека на патот ве чека снег, под претпоставка дека вашето возило е веќе опремено со она што Законот за безбедност во сообраќајот го пропишува како „задолжителна зимска опрема“, имено зимски гуми, синџири или „чорапи за гуми“ и на крај, ако сте зад воланот на камион, лопата.
фото илустрација
За почеток, добро исчистете го автомобилот, не само прозорците, туку и покривот. Додека возите, тој снег може да се лизне од покривот, што доведува до намалена видливост, а тоа може да се случи во клучен момент.
