Кој нема да се вакцинира нема да смее да патува во странство? Експерт изнесе шоkантни тврдења

Тестовите на коронавирус не можат да гарантираат дека лицето не е заразено ограничено време, поради што е можно новата вакцина против оваа инфекција да стане едно од барањата за меѓународни патувања во текот на наредните неколку години.

Ова денеска го изјави помошникот на рускиот министер за здравство Сергеј Глагољев.

– За жал досега тестовите за верижна реакција на полимераза и антитела гарантираат дека пациентот не е болен прилично ограничено време, рече Глагољев.

– Се чини дека ковид-19 ќе остане со нас со години, за поотпимален пристап би било воведување на меѓународни шеми на вакцинација или активни сертификати кои покажуваат дека лицето ја преболело болеста и ги потврдило антителата или пак постојат одредени податоци за клеточен имунитет, рече Глагољев во текот на брифингот преку интернет посветен на првата руска вакцина против новиот коронавирус која Русија ја нарече „Спутник 5“.

Русија планира да направи пет милиони дози вакцини против коронавирус месечно во декември и јануари, рече директорот на Националниот истражувачки центар за епидемиологија и макробиологија „Гамалеја“, Александар Гинтсбург.

– Според планот, се очекува компаниите да го достигнат својот капацитет во декември или јануари. Капациетот треба да биде околу 5 милиони дози вакцини месечно, можеби и повеќе – рече Гинтсбург неодамна пред новинарите.

Ако биде така, целата земја ќе биде снабдена со адекватен лек за година дена, наведе тој.

Рускиот претседател Владимир Путин неодамна објави дека Русија ја регистирала првата вакцина против Ковид-19 во светот која ја разви центарот „Гамалеја“.