Каролина покажа како се носат фармерки со ШИРОКИ НОГАВИЦИ – модел во кој сите изгледаат послабо

Покрај тоа што секогаш е средена од глава до пети, Каролина Гочева има и беспрекорно чувство за мода, а тоа го покажа и сега.

Имено, пејачката покрај тоа што е музичка, таа е и модна ѕвезда чии комбинации секогаш привлекуваат внимание.

Таа е една од оние дами за кои што велиме дека што и да облечат изгледаат беспрекорно, па дури и кога се во своите „кежуал“ изданија.

Во тоа можевме да се увериме и од нејзиното последно издание кога заблеска во широки фармерки и никого не остави рамнодушен.

Имено, Каролина за отворањето на изложбата на својот сакан се појави во необично издание и го украде шоуто.

Таа за оваа пригода носеше широки фармерки во светло сина нијанса кои што ги комбинираше со бела копула и розови салонки.

Фармерките што ги носи изгледаат романтично и елегантно, додека светлата нијанса им додаваат доза на женственост и шик изглед

Пејачката целото издание го зачини со минијатурна дизајнерска чантичка и црвен кармин кои беа полн погодок за ова шик издание.

Каролина во ова издание изгледаше како светска ѕвезда, посебно што ваков џинс носат и најпознатите светски модели.

Таа објави фотографија на која позира и со својата мајка, која за оваа пригода исто така изгледаше феноменално.

Но за разлика од нејзината ќерка, таа носеше дол црвен фустан и црвени еспадрили, во комбинација со голема кафеава чанта.

На изложбата беа и многу познати личности, а меѓу нив и колешката на Каролина, пејачката Тамара Тодевска и нејзината најдобра другарка, познатата манекенка Катарина Ивановска.

Пет модели на фармерки што ќе ги носиме ова лето

Фармерките се „маст-хев“ парче во плакарот на секоја дама. Сите имаме барем еден модел во кој се чувствуваме сигурно и удобно, и кои можат секогаш да ни се најдат во оние моменти кога немаме идеја што да облечеме. Што се однесува до оваа летна сезона, на голема врата повторно ни се вратија моделите од 90-тите со рамни или широки ногавици, како и црните фармерки кои повторно се ИН. Покрај овие два модели популарни се и класичните blue wash модели, како и широките, baggy фармерки.

И секако за крај, не треба да ги заборавиме и фармерките со широки ногавици какви што носеше и Каролина.

За разлика од „cropped“ моделите кои се до зглобот, и со кои морате да водите сметка за обувките, фармерките со широки, ѕвонести ногавици можете да ги носите со сите видови потпетици, а воедно ги прават нозете и визуелно да изгледаат подолги и потенки.

Фото: Инстаграм

Фото: Инстаграм

Фото: Инстаграм

Фото: Инстаграм

Фото: Инстаграм

Фото: Инстаграм