Епидемиолозите со ново откритие: Познато е КАДЕ најчесто се добива коронавирусот – таму тинејџерите најмногу го пренесуваат

Јужнокорејските епидемиолози тврдат дека поголема е шансата да се заразите со коронавирусот дома, отколку надвор од неа.

Тоа го покажува студијата, која ја објави Американскиот Центар за контрола и превенција на болестите, врз основа на прегледаните 5.706 заразени луѓе и повеќе од 59.000 луѓе кои дошле во контакт со нив.

Имено, според таа студија само две лица од 100 заболени се заразиле преку контакти со надвор од семејството, а секој десетии инфекцијата добил во контакт со членови на семејството, објави Ројтерс.

Интересно е дека стапката на инфекција во домаќинствата била поголема кај случаите каде првите заразени биле тинејџери или луѓе постари од 60 години.

Џенг Јун – Кијонг, директорот Корејскиот центар за контрола и превенција на болести (КЦДЦ) објасни дека децата од 9 години и помладите се најретко „првозаразени“ иако примерокот во оваа возрасна група бил многу мал.