Па овие се бетер и од нашите политичари, човече!
Египетските власти го одобрија монструозниот план да се извезат околу 4000 илјади бездомни кучиња и мачки во земјите во кои се јаде месо од овие животни. На ова веднаш реагираа организациите за заштита на животните. Коментар има и најголемата ѕвезда на египетскиот фудбал Мо Салах.
Имено, египетската влада се најде на удар на организациите за заштита на животните, но и многу познати личности кои се згрозени од планот земјата да извезе околу 4000 кучиња и мачки. Организациите стравуваат дека животните ќе бидат извезени во земји во кои се јаде месо од овие животни. Меѓу оние што се побуниле против овој монструозен план на владата е и фудбалерот на Ливерпул, кој во Египет има статус на божество, Мохамед Салах.
Тој на својот профил на социјалната мрежа Твитер сподели фотографија од своите миленици – мачки со следниов коментар: „Кучињата и мачките не смеат да бидат испратени никаде. Тоа едноставно не смее да се случи“, напиша живата легенда и додаде фотографија на која е опкружен со своите преубави сијамски мачки.
لن يتم تصدير القطط والكلاب لأي مكان.. هذا لن يحدث ولا يمكن أن يحدث #لا_لانتهاك_حقوق_الحيوانات pic.twitter.com/9YHozXnqf7
— Mohamed Salah (@MoSalah) November 26, 2018
Проблемот со бездомните кучиња и мачките во Египет (впрочем како и кај нас) е сериозен. Според информациите на локалните медиуми, министерот за земјоделство одредил околу 2400 мачки и околу 1600 кучиња да бидат извезени во други земји („генијално“ решение, нели?).
Од тоа министерство прецизирано е дека сите животни се вакцинирани и дека ќе бидат извезени според сите процедури. Не е објаснето само во кои земји планираат да ги извезат…