Во Грција постепено се укинуваат мерките од 4. мај после првиот бран од коронавирусот, но носењето маски ќе биде законски задолжително. Кој нема да го почитува ова правило ќе плати казна од 150 евра.
Меѓутоа, на пазарот постојат толку типови на маски, а претседателот на Панхеленското лекарско здружение Атансиос Екадактилос вели дека едни се поефикасни од другите. Сепак постои одреден вид на маски чие носење може да биде строго забрането во оваа земја.
– Секоја маска има градација – подобро е да имате платнена маска отколку воопшто да немате. Хируршката маска е подобра од платнената. Маските со вентили се забранети. Тоа го велам и нагласувам, рече д-р Екадактилос.
Тој објаснува дека маската со вентил се смета за забранета зошто постои голем ризик оној кој ја носи да може да го шири вирусот. Тие маски се наменете само за лекарите и медицинските сестри кои се грижат за пациенти кои веќе имаат коронавирус.
Ако асимптоматските пациенти или оние со благи симптоми носат вакви маски, тие би ги прскале вирусните честички секаде наоколу.
– Ако видите дека некој носи маска со вентил подобро е да му кажете да ја извади и да не ја носи во друштво. Кога ќе се сретнат две лица, од кое едното е болно, без маска, а другото не е, шансата е пренос е 95 отсто. Ако двете лица носат маска веројатноста е 1,5 отсто.
